Интернюс дар доираи лоиҳаи “Дастгирии фарогирӣ ва таблиғи озодии эътиқод” қабули дархостҳоро барои ширкат дар тренинг доир ба инъикоси масъалаҳои озодии динӣ барои ВАО эълон менамояд.
Тренинг барои мутахассисони ботаҷрибае тарҳрезӣ шудааст, ки ба эҷоди муҳтавои муҳими иҷтимоӣ дар форматҳои маъмули нави ВАО таваҷҷӯҳ доранд.
Иштирокчиён дониш ва малакаҳои зеринро мегиранд:
• Омода намудани мавод доир ба масъалаҳои гуногунии дин ва эътиқод;
• Банақшагирӣ ва таҳияи мавзӯи мавод дар марҳилаи идея ва истеҳсолот;
• Фаҳмидани хусусиятҳои маҳаллии ҳаёти динӣ;
• Ҷанбаҳои қонунгузорӣ дар соҳаи дин;
Омӯзиш, ки 10 рӯз давом хоҳад дошт, ба ду қисм тақсим мешавад. Панҷ рӯзи аввал – дар ш. Душанбе дар шакли мулоқоти рӯ ба рӯ, қисми дуюм – панҷ рӯз дар асоси платформаи Zoom онлайн.
Пас аз ба итмом расидани тренинг, иштирокчиёни он дар якҷоягӣ бо менторҳо (мураббиён)-и лоиҳа бояд ҳадди ақал як муҳтавои ВАО перомуни ҳама гуна масъалаҳои муҳими мавзӯе, ки ҳамчун як қисми раванди таълим эълон шудаанд, таҳия намоянд. Хатмкунандагони тренинг метавонанд дар озмун барои маблағгузории истеҳсоли муҳтаво иштирок намоянд.
Дархостҳо аз рӯи кадом меъёрҳо интихоб карда мешаванд?
Қарор дар бораи интихоби иштирокчиён дар асоси натиҷаҳои арзёбии таҷрибаи номзадҳо қабул карда мешавад. Аз ҷумла, комиссияи интихобӣ таҷрибаи омода кардани мавод дар мавзуъҳои муҳими иҷтимоӣ, қобилияти кор кардан дар шаклҳои гуногунро арзёбӣ менамояд. Афзалият ба номзадҳое дода мешавад, ки таваҷҷӯҳ ва омодагии эҷоди муҳтаворо дар мавзуъҳои ҳассос бо гендер, гурӯҳҳои зери хатар ва инчунин номзадҳое, ки бо забонҳои миллӣ ва ақаллиятҳои этникӣ кор мекунанд, дода мешавад.
Дар тренинг иштирокчиёни омӯзишҳои шабеҳи давраи қаблии лоиҳаи SCARF иштирок карда наметавонанд.
Барномаи грантӣ
Хатмкунандагони бомуваффақияти ин тренинг имконияти иштирок дар озмуни грантиро пайдо менамоянд, ки дар он ширкаткунандагон метавонанд барои амалӣ сохтани ғояҳои худ барои омода намудани мавод дар мавзӯи тренинг барои маблағгузорӣ муроҷиат намоянд.
Забонҳои расмии омӯзиш русӣ ва тоҷикӣ мебошанд.
Барои иштирок дар тренинг чӣ гуна муроҷиат кардан лозим аст?
Барои иштирок дар омӯзиш шумо бояд ҳуҷҷатҳои зеринро пешниҳод намоед:
• Аризаи пурраи онлайн (инҷост);
• Резюме (CV) ;
• Агар шумо рӯзноманигори озод (фрилансер) бошед, мактубро аз муҳаррир дар бораи омодагӣ барои нашри маводи иштирокчии тренинг дар расонаҳои худ пешниҳод намоед.
Резюме бояд ба суроғаи электронии tj-info@internews.org то 1 феврали соли 2023 соати 18.00 бо вақти маҳаллӣ фиристода шавад.
ДИҚҚАТ!!! Барои ба макон расидани дархост ҳатман матни мазкурро ба сатри мавзуъ нусхабардорӣ намоед: “Барои иштирок дар тренинг доир ба озодии эътиқод.”
Барои саволҳои иловагӣ лутфан бо ин суроға tj-info@internews.org тамос гиред.
Илтимос, дар хотир гиред, ки мо танҳо саволҳои тавассути почтаи электронӣ воридшударо баррасӣ хоҳем кард. Ташаккур барои ҳамкорӣ!